النهارده كان يوم اليتيم اللى بنرتبله بقالنا كتير
دار الملائكة دار لذوى الاحتياجات الخاصة من سن 14 ل سن ال50 واكتر كمان كانت من الدور اللى منورانا في حفله اليتيم النهارده
الدار فيها طفل اسمه عباده عنده 20 سنه جابته فرقه التدخل السريع للدار من 7 شهور
النهارده واحنا في الحفله عباده واحنا فى القريه حس أن المكان مش غريب عليه وبدا يتحرك كتير كان التواصل صعب لان عباده مش بيتكلم خالص
شافه عامل الزراعه فى القريه
وشبه عليه وقال للاستاذ سمير صاحب الدار أن عباده ليه اهل فى قريه على طريق مصر اسكندريه
وراح فعلا جاب اخوه واهله
كميه المشاعر المتلخبطه من فرحه وصدمه على الطفل مامنعتش الطفل أن اول ماشاف والده باس ايديه بحركه تلقائيه جدا
عن فرحه الأب والام والاخوات بعباده اللى اسمه محمد
انهم قدروا تانى ياخدوه في حضنهم فرحه ماتساواش الدنيا كلها
ليست هناك تعليقات:
إرسال تعليق