اخبار ذات صلة

الاثنين، 21 يوليو 2014

قصيدة "ضرب الجرس وقت الفطار " يكتبها د/ أحمد إمام




ضرب الجرس ضرب الجرس..وقت الفطار غني الحرس.. لحن انتصار ده مصر لمت شملها وف لحظة جابت حلمها وبأعلى صرخة نفس.. فرضت قرار
ضرب الجرس..وقت الفطار البابا بيبارك رغيف والشيخ بيدن ع الفنار أصل العدو عنا كفيف وماعدش شايف غير دمار لو كان ف ظنه إنه مخيف لأ لأ. نقولك باختصار
ضرب الجرس..وقت الفطار الجمعة تجمع شملنا لكن الجماعة مش هنا عايشين فى غربة عننا طول عمرهم مش مننا لو كانوا داقوا زينا حب الوطن فى قلبنا كان بكرة ييجى بازدهار ضرب الجرس... وقت الفطار مصر المعانى الطيبة فى كل أديان السماء موسي وعيسي فى الصبا عاشوا على أرضي سواء فى العيد خبزنا غريبة ونصوم سوا والجو نار
ضرب الجرس..وقت الفطار
يا ألف ألف وألف ألف يا فرحتي مبروك علي شد الأيادي والصفير غظنا الأعادي لما هلت فرحتي وقت الغروب في أرضنا يشرق ضمير الشمس راحت والصواني بأكلتي دارت بمخ اللي عايز لك الانهيار ضرب الجرس..وقت الفطار إحنا اللي جانا ألف ديب ينهش بنابه في الجدار قام الهلال حضن الصليب يحموا مفاتيح الديار طبطب عليه زي الحبيب رفعوا إيديهم للنهار
ضرب الجرس..وقت الفطار
غني الحرس..لحن انتصار ده مصر لمت شملها و ف لحظة جابت حلمها وبأعلى صرخة نفس فرضت قرار ضرب الجرس..وقت الفطار د/ أحمد إمام

ليست هناك تعليقات:

إرسال تعليق