بأمر الشعب تطالب بحرية أحمد عبد الغنى وما هى قصة القبض عليه

أصدقاء الناشط "أحمد عبد الغنى " لماذا باعت مصر ولادها 

مهند جابر  يروى لصوت العرب ما حدث لصديقه فى الكفاح المشترك لحماية مصر على يد الداخلية التى انكرت جهودهم فى الدفاع عنها 

عمرو جودة نقف مع الجيش والشرطة من اجل حماية مصر منذ ثلاث سنوات وسنتوقف عن حملة بأمر الشعب اذ لم يتم الافراج عن رفيق الكفاح الذى ضبط ظلماً مع أعداء الوطن والمخربين 

القصة الحقيقية كما رواها صديقه 

كتب الناشط السياسى مهند جابر على صفحته هذه القصة بالنص والتى ارسلها لبريد صوت العرب 

اللي حصل مع أحمد كالأتي أحنا مجموعة انتوا كلكوا عرفينها بتحب تراب البلد بجد وبنقف مع الجيش والشرطة نزلنا مع بعض نساند الشرطة في القبض علي الخارجين عن القانون ومحدثي الفوض في البلاد نزلنا زي كل مرة مبننزل عادي جدا احمد شاف ناس بتضرب نار علي الداخلية استخبي ورا شجرة واول ما الواد اللي كان بيضرب نار على الداخلية قرب احمد طلع من وراة وشنكلو الواد وقع علي الارض احمد خد منو فرد الخرطوش والشرطة راحت هجمت علي العيال راح الواد طلع يجري احمد ملحقوش عشان جري بسرعة جوة الميدان احمد رفع فرد الخرطوش بأيدو ومشي بية للداخلية عشان يديهم فرد الخرطوش راحت الشرطة مسكاة قلهم يا جماعة انا اللي جايبلكم الفرد بنفسي وبقولكم خدوة وانا خدتوا من الواد قدام عنيكوا والباشا الظابط قالوا احنا مشوفناش الواد احنا شوفناك انتة اللي معاك الفرد انتة كداب قالوا يا فندم كداب اذاي دة انا واقف معاكوا من الصبح وفى ظباط كانو شيفين احمد وهوة معاهم قالو للواء يا فندم دة معانا من الصبح مش ضدنا راح شاتمهم وهزقهم وخدو احمد بالفرد الخرطوش اسمع بقي مني اللي حصل رحنا لأحمد قسم قصر النيل قسماً بالله دة اللي حصل بالظبط احنا جينا ندخلوا مرضيوش يدخلونا لية واحمد دومة جية بالعربية بتاعتو الأفيو ووقف قدام القسم راحوا العساكر والامناء قالولوا ممنوع تطلع راح أحمد دومة قال لهم لفظياُ انا دلوقتى بتكلم بالذوق بعد كدة هديكم بالجزمة كلكم وراح مزعق فيهم الظباط نزلت جري علي احمد دومة وقعدوا يبوسوا دماغوا ويتأسفولوا ومعلش حقك علينا واحنا اسفين وبوس واحضان وايه بقي مقولكوش وراحوا خدوة علي مكتب المأمور وكان معاة طارق الخولي بتاع 6 ابريل خدوة المكتب وجابولوا ليمون والله كان قاعد حاطت رجل علي رجل وكانت رجلوا في وش المأمور وضحك وهزار والدنيا حلوة واحمد عبد الغني اللي مع الشرطة والجيش طول عمروا جابولوا كابي واتضرب في الحجز واغمي علية وجبنالوا بخاخة لتوسيع الشعب الهوائية وكان بيموت ياااااااااااااااااة يااااااااااااااااة للدرجادي يا بشر بجد والله انا غلطان وبقول انا اسف يا ثورة 25 يناير انا اسف يا احمد باشا يا دومة انتة الصح واحنا اللي غلط هيجي بعض الأشكال الحقودة تقولنا انتوا ايه اللي خلاكوا تنزلوا هرد عليهم رد بسيط احنا بننزل بقالنا 3 سنين عشان خاطر تراب البلد دي واي احداث بنكون فيها مدام لحماية البلد ولصالح الأمن العام وبجد استحالة ومن رابع المستحيلات هننزل للداخلية في اي حاجة تاني بقي الواد يكون مع الشرطة والجيش الشرطة تلبسوا قضية سلاح ناري يا نهار اسود عليكي يا بلد بس وحياة من نبي النبي نبي لنجيب حقك من الداخلية اللي ضيعتك وطلعتك بلطجي بعد مكنا بنموت عشانها
وبالعافية هيخرج بالذوق هيخرج مات الكلام ودي اخرة اللي يقف مع الداخلية

ابن بلادي خارج خارج

أخوك وصديقك #JOPA