اخبار ذات صلة

الخميس، 22 أغسطس 2013

أبو عرايس يرد على من يوصفون أخر عشر سنوات بعهد مبارك بالأسوء


علق الدكتور سامح أبو عرايس الخبير الاقتصادى ورئيس الجمعية العربية للمحللين الفنيين  عبر صفحته الخاصة بالموقع الاجتماعى الفيس بوك على من يدعون أن أخر عشر سنوات فى عهد مبارك كانت الأسوء قائلاً :

يا بتوع ان اخر 10 سنين من عصر مبارك هي الأسوأ أنا مش هاكلمكم بالأرقام اللي تكذب ادعاءكم تماما . لكن هاكلمكم بمعلومات بسيطة : شبكة الالياف الضوئية اللي دخلتلك الانترنت والتليفون الثابت ببساطة اتعملت في اخر 10 سنين . شبكة الغاز الطبيعي وتوصيله للبيوت في اخر 10 سنين . مدينة الانتاج الاعلامي والفضائيات اللي انت شايفها دي كلها والنايل سات الثاني في اخر 10 سنين . كل البنوك الأجنبية وأغلب التوكيلات الأجنبية اللي انت شايفها اخر 10 سنين . المولات التجارية والكومباوندز والقاهرة الجديدة وكل الأحياء الفاخرة حول المدن في اخر 10 سنين . حتى لو شفت السيارات حولك هتلاقي ان أغلبها موديل سنة من اخر 10 سنين . الخصخصة توقفت تقريبا في اخر 10 سنين ولم يتم بيع سوى 3 شركات في اخر 10 سنين . طبعا هترد وتقولي العشوايات لانك حافظ مش فاهم هاقولك انها موجودة من السبعينات لكن اخر 10 سنين بقت مبنية بالطوب والمسلح بعدما كانت حتى التسعينات أكشاك صفيح . اخر 10 سنين هي أيقونة عصر مبارك !!

ليست هناك تعليقات:

إرسال تعليق