دشن مجموعة من الشباب فريق عبر الموقع الاجتماعى الفيس بوك وأطلقوا عليه "فريق هيبة وطن " أخذنى الفضول للكشف عن أهداف هذا الفريق وهل هدفه ان يثور ضد النظام وكل الانظمة حتى يحقق أهدافه ام له اهداف اخرى من اجل تحقيق الهيبة لوطنه
فتخيلت أنهم تابعين لاى تيار سياسى او منظمة من المنظمات المعروفة ولكن -------- تعالوا نشاهد أهدافهم
قالت احدى رواد هذا الفريق وتدعى أمينة فودة :فريق هيبة وطن
فريق شباب بحت
لا ينتمي لاي تيار أو فصيل سياسي ولا علاقة للاسم بجبهة الانقاذ او اخوان او ضمير نحن شباب نعمل فقط من اجل
الخير ... التنمية ... والتطوير
الفريق ده هدفه 3 حاجات
خير :
ودا الجزء الخيري اللي كلنا بنعمله بس هيكون علي نطاق اوسع شوية
يعني كساء للقري يعني شغل دور الايتام يعني كل الاعمال الخيرية اللي نقدر نعملها وقضايا اطفال الشوارع ومراعاة الاسر السورية الموجودة بمصر ومراعاة الفقراء والمحتاجين وكفالة الايتام وغيره
تنمية :
ودي منقسمه لجزئين
الاول -
تنمية الشباب من خلال بقي حملات التوعية ضد السلوكيات الغلط زي التدخين والادمان زي التسول زي النقمة علي حالة زي العجز عن تحقيق الحلم هنتعلم كلنا ازاي نفكر وازاي نخطط وازاي ننفذ
التاني -
ازاي نقدر نحقق التنمية لغيرنا عن طريق مراكز الشباب ومحو الامية للكبار ومحاربة الدروس الخصوصية عن طريق التنسيق لعمل محاضرات مجانية للطلاب في المدارس وغيرها
تطوير :
ودا بقي هو حلم دولة الانقاذ
هنحاول نطور كل حاجة في بلدنا بايدينا من غير ما نقول الرئيس عمل والرئيس معملش هنمسك وزارة وزارة ندرسها نفصلها كويس جدا ونعمل الحلول ونحاول نوصل ده لرجال الاعمال للهيئات المختصة باتخاذ القرار في الوزارات والهيئات الرقابية زي مشكلة الزراعة مشكلة المخابز مشكلة البطالة مشكلة العشوائيات وما بها من حياة لا آدمية
دي فكرتي بكل بساطة اكيد مش هتكمل غير بافكاركو وبمشاركتكو معايا
السن لحد 25 دا المنفذين
اما فوق 25 هم مستشارين للفريق لحل المشاكل والعقبات التي نعجز كشباب عنها
للتواصل اتصل علي 01111261515
ليست هناك تعليقات:
إرسال تعليق